xoves, 7 de abril de 2022

PAPÁ CANIBAL


 O venres de entroido fixemos unha pequena reunión con todos os clubs de lectura para falar de "Papá Canibal" de Antonio M Fraga.  E convertémonos en caníbales roendo unhas orellas e unhas gominolas.  

O próximo 23 de marzo teremos a visita do autor.  Ide pensando no que queredes preguntar.

luns, 14 de febreiro de 2022

TRABALLO DE "MEMORIA DO SILENCIO"

 Memoria do Silencio foi un libro que non gustou moito.  Probablemente estaba pensado para máis idade.  Non obstante investigamos sobre a historia que conta o libro e soubemos que está baseado nunha historia real, a das irmás Touza, que axudaron a uns 500 xudeos durante a II guerra mundial a fuxir dos nazis. Este é o traballo que fixo este grupo, con imaxes reais das protagonistas e do seu pobo, Ribadavia.

 




mércores, 2 de febreiro de 2022

PAPÁ CANIBAL

 Os tres grupos do club de lectura decantáronse por ler o mesmo libro desta vez.  

PAPÁ CANIBAL, de Antonio M. Fraga.

Fedora está farta de que o abusón do cole se meta con ela, así que decide asustalo contándolle que o seu pai é un caníbal. O Efebeí, un policía fóra de servizo por non facer nada ao dereito, inicia unha investigación pola súa conta sobre o suposto caníbal para tentar recuperar o prestixio perdido e poder reincorporarse ao traballo. A partir de aquí iníciase un atolado enredo que ten lugar durante a noite do Samaín. Unha novela disparatada, enxeñosa, macabra e tremendamente divertida, na que mesmo poderás escoller o final!

 


domingo, 23 de xaneiro de 2022

MEMORIA DO SILENCIO.

 Para todos e todas as que intentastes ler o libro cóntovos a parte real da historia.  Varios dos protagonistas existiron (outros non) e teñen unha historia moi interesante.  Déixovos aquí unha pequena presentación sobre as protagonistas: as irmás Touza.

As irmás Touza

sábado, 8 de xaneiro de 2022

REGALIÑOS DE NADAL

 O terceiro grupo elexiú o nome de " Regaliños de Nadal" e un libro moi interesante: 

Memoria do Silencio

de Eva Mejuto

   

                                                             

                                  

 

Estación de tren de Ribadavia, verán de 1943. Günter busca ascender na Gestapo destapando unha trama internacional que axuda os xudeus a chegar a Portugal e abandonar Europa. Lola é unha muller brava e xenerosa, que cre na xustiza por riba de todo e arrisca a vida por axudar a quen o necesita. Frieda foxe da Holanda nazi e do seu pasado, arelando empezar unha nova vida en América como directora de orquestra. Tempos difíciles onde o medo e o silencio tecen unha rede de segredos e intrigas cun fin último: a liberdade

PEQUENOS LECTORES

 O segundo grupo elexiu o nome de "Pequenos lectores" e  un libro moi divertido:

Como entrenar a tus padres

de Pete Johnson

 

                                          

                                               

  Acabo de chegar a un colexio superserio e superaburrido e, de pronto, os meus pais están obsesionados cos deberes, os exames e as actividades extraescolares.  Incluso teñen secuestrada a miña tele!  Menos mal que coñecín a Maddy e esta reveloume o segredo mellor gardado da historia: as catro reglas para entrenar aos teus pais.

sábado, 11 de decembro de 2021

OS LECTORES MÁXICOS

 O primeiro grupo reuniuse o venres 3 de decembro por primeira vez.  Despois dunha votación decidiron que o nome do club será  OS LECTORES MÁXICOS"  

Propuxeron crear dentro deste blog unha parte na que poidan facer recomendacións de lectura asos seus compañeiros e compañeiras. 

O libro elexido por este grupo será: A señorita Bubble:  de Ledicia Costas.  

 

A Señorita Bubble (INFANTIL E XUVENIL - MERLÍN E-book) (Galician Edition)  eBook : Costas, Ledicia, Meixide, Andrés: Amazon.es: Libros

A xente da vila sentiu un odio repentino pola señorita Bubble desde o mesmo día da súa chegada. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada. Repudiárona polo seu atavío, polos seus inventos, polo seu singular xeito de vivir. Ninguén sospeitaba o que en realidade sucedía no interior da mansión da señorita Bubble.

PAPÁ CANIBAL

 O venres de entroido fixemos unha pequena reunión con todos os clubs de lectura para falar de "Papá Canibal" de Antonio M Fraga. ...